Utzidazu Lekua [iPad]

Gure gizarteak ez du oraindik genero-berdintasun osoa lortu, diskriminazio sexista testuinguru guztietan ematen da, komunitario, familiar eta pertsonaletan. Komunikazio globalaren aroan eta giza elkarreraginen protagonista nagusi diren konektatutako teknologietan, genero indarkeriak tresna berri bat aurkitu du edozein testuinguru sozial, hezkuntza-maila edo adinetako pertsonen artean betikotzen jarraitzeko. Hala ere, pertsona gazteenak dira Interneteko edukien kontsumitzaile nagusiak, eta, beraz, jarrera eta ideia matxistei eusteko sentikorrenak eta iragazkorrenak.

“Utzidazu Lekua” proiektu ludiko-hezitzailea da, 8 eta 14 urte bitarteko haur eta nerabeei zuzendutakoa, plataforma- eta sandbox-jokoak oinarri hartzen duena eta euskaraz sortua. Sarean eta, bereziki, bideo-jokoetan genero-indarkeria digitala eta jokabide matxista eta sexistak prebenitzeko eta eduki hauen inguruan pentsamendu kritikoa sustatzea ditu helburu. IKTeskolak sortutako eta garatutako proiektua da, PantallasAmigas ekimenaren laguntzaz eta Bizkaiko Foru Aldundiaren eta Eusko Jaurlaritzako Hezkuntza Sailaren babesa duena.

Plataforma eta Sandbox joko motak elkartzen dituen jokoa da, landu nahi diren gaiei lotutako galderak aldi berean dauzkala.
Jokalariak sei eznetaoki ezberdinetan aurrera egin behar du ostopo fisikoak ekidituz, salto egiten, eskalatuz… Bere ibilbidea oztopatzen duen erasotzaile eta mezu bortitzak botatzen dituzten sare puxikak suntsitu behar ditu eta giro ona eragiten dutenak harrapatu ditzake puntuak lortzeko.
Eszenatokietan aurrera egiteko elementuak jarri diren arren, jokalariak eraikitzeko objetuak lortzen dituenean, eszenatokia osatzeko aukera izango du eta behar edo nahi dituen tokietan ezarri eta espazioetara mugitu ahal izango ditu.