لارښود [Android]

پرته له شک نه جهاد د اسلام د دين له پياوړو بنسټونو څخه يو بنسټ او د اسلام روح دى چې په هغه کې د اسلام بقا او شتون نغښتى دى، ځکه هغه يقينا د امن را وستلو تر ټولو لنډه لار او د اسلام د دفاع تر ټولو لوړه څوکه او چوڼۍ ده واقعي مؤمن چې کله په دې لاره لاړ شي اعلى جنت ته رسېږي، او د الله جل جلاله رضا تر لاسه کوي، په بې شمېره اياتونو او احاديثو سره جهاد ثابت شوى او خلک د هغه په لور هڅول شوي، د نبي صلى الله عليه وسلم او د هغه د ملګرو له سيرت څخه هم د جهاد حقيقت څرګندېږي، هغوی په پوره صبر او استقامت سره د دين د دښمنانو په خلاف مقابله کړې او خپله وعده يې له الله جل جلاله سره ريښتونې کړې، د جهاد په واسطه يې د اسلامي ناموس او ځمکو ساتنه کړې، د اسلام د دښمنانو او صليبيانو توان يې ځپلی، او د هغوی شومې موخې يې شنډې کړي، چې په پاى کې يې د اسلام مقدس دين د نړۍ ګوټ ګوټ ته رسولی، همدا لامل و چې دا لقب يې د ځان لپاره تر لاسه کړ «رُهْبَانُ اللَّیلِ وَفُرْسَانُ النَّهَارِ»( د شپې لخوا عبادت کوونکي او د ورځې له خوا په اسونو سپاره غازيان) په دښمنانو سخت او په خپل منځ کې يو پر بل مهربانه وو، په او سنۍ زمانه کې د اسلام دښمنانو د اسلام او د ريښتونو مسلمانانو د له منځه وړلو لپاره له ټولو لارو څخه لکه: فردي، اجتماعي، سياسي، اقتصادي، علمي، فرهنګي، فکري، او داسې نورو ډولونو سره يرغل پيل کړى، او د اسلام د دين د ښمنانو په اسلامي امت داسې هر اړ خيز يرغل کړى چې د مسلمانانو اولادونه، مالونه، عزتونه، ځواک، او ملکونه يې په يو مخيزه توګه ځپلي، او ټول اسلامي ملکونه يې په يو ډول نه يو ډول په خپله ولکه کې راوستل، ډېر شمېر مسلمانان يې شهيدان کړل، په زرګونو عالمانو او د مدرسو په طالبانو يې د شپې لخوا چاپې ووهلې او هغوی يې شهيدان کړل، او په زرګونو نور يې ونيول او بنديخانو ته يې واچول، د مسلمانانو په زرګونو بچيان د بمبارونو له امله يتيمان شول او ښځې يې کونډې شوې، او داسې باور يې لرلو چې بيا به د بل ځل لپاره څوک د اسلام او جهاد عږ پورته نکړي، خو د دې پر خلاف واقعي او ريښتونو مسلمانانو د الله جل جلاله او د هغه د رسول صلى الله عليه وسلم په اوامرو باندې په عمل کولو سره د هغوی په مقابله او له هغوی سره يې په جګړه لاس پورې کړ او جهاد ته را پورته شول، او په مورچلونو کې يې ځايونه ونيول، صليبي ځواک ته يې سخت غاښ ماتوونکی ځواب ور کړ او مخ تورن يې د مسلمانانو له حريم څخه وشړل خو د صليبيانو جګړه لا پاي ته نده رسېدلې بلکې د جګړې ډول او طريقه يې بدله کړه دا ځل غواړي په اسلامي ملکونو خپل په ډالرو پېرودل شوي غلامان او مزدوران پر شا وډبوي او دجګړې ګرم ډګر ته يې له مالي او مادي ملاتړ سره را وړاندې کړي، مسلمانانو بيا په ځانګړي ډول افغانانو ته ځيرکتيا پکار ده چې د خپلو جهادي موخو او پايلو د تر لاسه کولو لپاره د صليبيانو او د نړۍ د ټولو کافرانو شوم پلانونه شنډ کړي او پدې حساسو شېبو کې له ډېر زغم او صبر څخه کار واخلي او د خپلو برياوو او قربانيو ثمره او پايله له لاسه ور نکړي، الله جل جلاله مه کړه چې بيا د قربانيو پايله چې د اسلامي نظام راتګ دی په اوبو لاهو نشي، او د مجاهدينو صف ټوټه ټوټه نشي، زما له پخوا څخه دا هيله وه چې د جهاد په هکله يوه رساله وليکم، ما هم د يو مسلمان په حيث د رسول الله صل الله عليه وسلم د دې حديث د حکم د پلي کولو له امله ځان مسؤل وګڼلو چې وايي: (وَجَاهِدُوابِاَنفُسِکُم وَاَموَالِکُم وَاَلسِنَتِکُم) د دين د د ښمنانو په مقابل کې په ځانونو، مالونو، او ژبو سره جهاد وکړئ. په پاى کې مې د الله جل جلاله په توکل سره او پرته له دې څخه چې د کتاب لوى والي او اوږد والي ته پکې نظر وکړم د يو کتاب د جوړولو اوليکلو تکل وکړ چې په جهاد پورې د اړوندو مسئلو او اړخونو هر اړخيزه شرحه او تفصيل پکې موجود وي ، الله جل جلاله ته حمد او ثنا ده چې د غه کتاب پداسې توګه سره تيار شو هيله ده چې د علم د څښتنانو او د الله جل جلاله په لاره کې د سر ښندونکو مجاهدينو تنده به پرې ماته شي، او پدې به وتوانېږي چې خپلې جهادي اړتياوې پرې حل او د جهادي تګلارې د لا ښېرازۍ لپاره به يې يو څراغ او ډيوه وګرځوي، ترڅو په اسلامي امت کې د جهاد روحيه ژوندۍ وساتل شي او پدې تګلاره او جهادي فريضه کې مجاهدين خپلو نيمګړتياوو ته متوجه شي او خپل عبادت او جهادي فريضې ته په پوره پوهې او کامل علم سره دوام ور کړي. د کتاب له متن څخه
الهداية خپرندويه اداره يې د ثواب په نیت تر خپلو لوستونکو رسوي، هيله ده له لوستلو وروسته يې په شریکولو کې تاسې هم مرسته وکړئ!
د ګوګل سټور ترڅنګ یې زمونږ له ټيليګرام چینل څخه هم ډانلوډ کولای شئ!

ادرسونه :

ټیلیګرام چینل :
Telegram.me/HedayatApp
فېسبوک :
www.facebook.com/HedayatApps